QUR'AN AND SUNNAH

FARILLAN WANKA: Yin niyya yayin farawa da gaggautawa da cuccudawa da gama jiki da ruwa. SUNNONIN WANKA: Wanke hannaye ya zuwa tsintsiyar hannu kamar yadda akeyi a alwala, da kurkure baki, da shaka ruwa, da fyacewa, da wanke kofar kunnuwa itace kofa mai shiga cikin kai, amman fatar kunne wajibine a wanke cikinta da bayanta. MU SAHABBAN WANKA: Farawa da wanke najasa, sannan a wanke azzakari inda a nan ne zaiyi niyyar wankan, sannan ya wanke gabban alwala sau dai-dai, sannan ya wanke saman jikinsa, da wanke kai sau uku da gabatar da tsagin jikinsa na dama, da karanta ruwa akan gabbai. HUKUNCE HUKUNCEN WANKA

na farko shine fitar maniyyi ta hanyar jin dadi na al'ada, a bacci ko a farke, ta hanyar jima'i ko waninsa. Na biyu shine buyan hashafa (wato kan azzakari) a cikin farji. Wanda yayi mafarki yana tarawa da mace amma maniyyi bai fito masa ba, to babu komai a kansa. Wanda ya samu busasshen maniyyi a jikin tufansa bai san yaushe ne ya same shi ba, to yayi wanka ya sake abunda ya sallata tun daga baccin sa na qarshe da yayi da wannan tufan.

Salla, tawafi, shafar Al-Qur'ani mai girma ko gafakarsa,bazai shafa da hannunsa ba ko da sanda da wanin wannan, sai dai juzu'in Al-Qur'ani wanda ake koyon karatu dashi, ba zai shafa allon da aka rubuta Alkur'ani mai qirma a cikinsa ba, ba tare da alwala ba, sai dai wanda yake koyon karatu a cikinsa ko mai koyarwa wanda zai gyarashi (wato allon). Yaro karami kamar babba yake a hukuncin daukar Alkur'ani ko shafa shi, zunubi yana kan wanda ya baiwa yaro Alkur'ani mai girma. Wanda duk yayi salla ba tare da alwala ba, da gangan yana sane da zama kafiri (in dai ya halatta yin hakan) ALLAH S.W.T  ya tsare mu ameen. Salati 10 ga Annabi Muhammadu S.A.W 

Abubuwan da suke warware alwala sune kari da sabanin kari. Kari shine: fitsari da gyangyadi da rihi da maziyyi da wadiyyi. Sabanin kari sune: bacci mai nauyi da suma da maye da hauka da sumbata da shafar mace idan anyi niyyar jin dadi ko an samu jin dadin da shafar azzakari da cin tafin hannu ko cin yatsu. Hukuncin kari. Wanda yayi kokwanto a cikin kari ya wajaba a kansa ya sake alwala, sai dai idan ya kasance mai yawan kokwanto ne to babu komai a kansa. Ya wajaba a kansa ya wanke azzakarinsa gaba daya idan mazziyi ya fito, amman bazai wanke maraina ba. Note: mazziyi ruwa ne mai fitowa yayin karamar sha'awa ta hanyar tunani ko kallo ko waninsa. Salati 10 ga Annabi Muhammadu S.A.W 

TSARKI YA KASU KASHI BIYU: Tsarkin kari da tsarkin dauda, gaba dayansu ba sa inganta sai da ruwa mai tsarki mai tsarkakewa, shine wanda launinsa bai jirkita ba da basa haduwa da shi a bisa hali mafi yawa, kamar misalin narkakken mai da sandararren mai da romo gaba dayansu da shuni da sabulu da dauda da makamancinsu, babu laifi idan ya hadu da tulbaya da kasar kanwa da kasar gishiri da jar kasa da makamancinsu. FASALI: idan najasa ta ayyana (wato aka san wurin da take) sai a wanke wurinta, idan ta rikitar sai a wanke tufan gaba dayansa

F arilla alwala: niyya da wanke fuska da wanke hannaye zuwa gwiwar hannu da shafar kai da wanke kafafuwa zuwa ido-sawu da cucudawa da gaggautawa. Sunnonin alwala: wanke hannaye izuwa tsintsiyar hannu yayin farawa, da kurkure baki, da shaka ruwa, da fyacewa, da dawo da shafar kai, da shafar kunnuwa, da sabunta ruwa dan shafar kunnuwa, da jeranta farillai.

Yin nadama akan abinda ya wuce, da yin niyyar ba za a sake komawa kan sabon ba har abada. Kuma ya bar sabon nan-take idan ya kasance yana cikin aikin sabon ne. bai halatta a gare shi ba ya jinkirta tuba, bai halatta ba ya ce; in ALLAH ya shirye ni na tuba ba, fadar haka yana daga alamomin rashin arzikin lahira da tabewa da rashin basira.

Ya iganta imaninsa sannan yasan abinda zai kyautata farillan aininsa da shi, kamar ilimin hukunce-hukuncen sallah da tsarki da azumi. Ya wajaba a kansa ya kiyaye iyakokin ALLAH tsarkakken Sarki tun baiyi azaba a gare shi ba. Ya wajaba a kansa ya kiyaye harshensa daga maganganu na sabo da munanan maganganu da duk wani zance mara dadi, ya kiyaye harshensa daga rantsuwa da sakuwar matsarsa, ya nisanci yin barazana ga musulmi da walakantashi, da zaginsa da tsorata shi ba tare da hakkin shari’a ba.

NIYYAR WANKAN JANABA "Bismillahi nawaitu guslul janabati farrdun raf'ul hadasil akhbari." NIYYAR WANKAN HAIDA "Bismillahi nawaitu guslul haidi farrdun raf'ul hadasil akhbari." NIYYAR WANKAN NIFASI (BIQI) "Bismillahi nawaitu guslul nifasi farrdu raf'ul hadasil akhbari." NIYYAR WANKAN JUMA'A "Bismillahi nawaitu guslul juma'ati wajibun" Salati 10 ga Annabi Muhammadu S.A.W