Skip to main content

FARKON ABINDA YAKE WAJABA AKAN BALAGAGGE

Ya iganta imaninsa sannan yasan abinda zai kyautata farillan aininsa da shi, kamar ilimin hukunce-hukuncen sallah da tsarki da azumi.
Ya wajaba a kansa ya kiyaye iyakokin ALLAH tsarkakken Sarki tun baiyi azaba a gare shi ba.
Ya wajaba a kansa ya kiyaye harshensa daga maganganu na sabo da munanan maganganu da duk wani zance mara dadi, ya kiyaye harshensa daga rantsuwa da sakuwar matsarsa, ya nisanci yin barazana ga musulmi da walakantashi, da zaginsa da tsorata shi ba tare da hakkin shari’a ba.
Ya wajaba a kansa ya kiyaye ganinsa daga kallon haramun, bai halatta ba a gare shi ya kalli musulmi da irin kallon da zai cuce shi, sai dai idan musulmin mai yawan sabo ne a fili, toh wannan ya zama dole ya kaurace masa.
Ya wajaba a kansa ya kiyaye dukkanin gabbansa iyakar ikonsa. Ya yi soyayya don ALLAH, ya yi kiyayya don ALLAH, ya yarda da mutum saboda ALLAH, ya yi fushi don ALLAH, ya rika yin umarni da kyawawan aiki, ya yi hani ga barin mummunan aiki.
Karya ta haramta a gare shi, da giba, da annamimanci, da girman kai da kaye, da riya, da jiyarwa, da hassada, da gaba, da ganin fifiko akan wani, da yafice, da zunde, da wasa, da izgili, da zina, da kallon mace ajnabiyya, da jin dadin firarta, da cin dukiyar mutane ba tare da dadin rai ba, da ci da sunan ceto ko da sunan addini, da jinkirta sallah ga barin lokutanta.
Bai halatta a gare shi ba yayi abota da fasiki, ko ya zauna da shi in dai bada lalura ba, kada ya nemi yardar halatta a cikin abinda zai sabawa ALLAH Mahalicci.
ALLAH mai tsarki da daukaka ya ce : ( ALLAH da MANZONSA su ne suka fi wajaba mutane su nemi yardarsu indai sun kasance masu imani ) Suratul-Tauba 621.
Mai tsira da amincin ALLAH ya ce: “babu biyayya ga wani abin halitta a cikin sabon mahalacci”
Bai halatta ba a gare shi ya yi wani aiki har sai ya san hukuncin ALLAH a cikinsa, (idan bai sani ba) ya tambayi malamai, ya yi koya da masu bin Sunnar ANNABI MUHAMMADU (S.A.W), wadanda suke shiryawa ga bin ALLAH TA’ALA, masu tsoratawa ga barin bin shaidan, kada ya yardarwa kansa irin abinda ababan fallasa suka yarda dashi, wadanda rayuwarsu ta tozarta a cikin bin wanin ALLAH TA’ALA, ya girman asarar irin wadannan mutane, ya tsawan kukansu ranar Alkiyama”.
Muna rokon ALLAH yayi mana mawafaka ga bin Sunnar ANNABINMU MACECINMU SHUGABANMU MUHAMMADU S.A.W.s

POPULAR POST

MAGANIN KARFIN MAZA KO MATA A MUSULUNCE

kala-kalar abincin dake samar da karfin maza/mata  (sperm), da kuma kuzari a jikin ango da amarya.
HATSI: 1. Alkama ko kuma duk wani dangin abinci da ake samarwa daga gareta. 2. Shinkafa. 3. Wake.

GANYE:
1. Albasa.
2. Galik.
3. Karas.
4. Dankali.
5. Kwakwa.

'YA' YAN ITATUWA:
1. Ayaba.
2. Mangoro.

FARILLAN ALWALA, SUNNONIN ALWALA, MUSTAHABBAN ALWALA DA KUMA YADDA AKE GYARA ALWALA

Farilla alwala: niyya da wanke fuska da wanke hannaye zuwa gwiwar hannu da shafar kai da wanke kafafuwa zuwa ido-sawu da cucudawa da gaggautawa.
Sunnonin alwala: wanke hannaye izuwa tsintsiyar hannu yayin farawa, da kurkure baki, da shaka ruwa, da fyacewa, da dawo da shafar kai, da shafar kunnuwa, da sabunta ruwa dan shafar kunnuwa, da jeranta farillai.

DAREN FARKO (ABUNDA YA KAMATA SABBIN MA'AURATA SUYI A SHARI'ANCE)

1. Nafarko su fara da gaisuwa irin wadda addinin muslunci ya tanadar mana (watau suyi wa junan su sallama).

2. Sai ango ya daura hannunsa a bisa goshin amaryarsa ya karanta wannan addu'ar:

"Allahumma innee as'aluka min khairiha wa khairi maa jabaltaha 'alaihi wa'a uzhubika min sharriha wa sharri maa jabaltaha 'alaihi"
( Abu Dawud Ibn Maajah Al-Haakim Al-Bahaki da Abu ya'ala).

3. Daga nan sai ango da amarya su gabatar da Alwala sannan su gabatar da Sallah raka'a biyu bayan sun idar sai su karanta addu'o'i na neman 'ya'ya na gari.

ISTIMNA'I (masturbation) da HUKUNCIN SA

ISTIMNA'I ( masturbation)

shine shine mutum ya rika wasa da al'aurassa har ya fitar da maniyyi,

HUKUNCIN ISTIMNA'I

Farko dai akwai hadisai wadanda suka nuna fushi na ubangiji akan mai aikata hakan,
Hukuncinsa ga malaman mazhabobi guda hudu,

Imam Malik Imam Shafi'i.
Sun tafi akan haramta shi don haka a wurin su dole mutum yayi aure ko ya kame har zuwa lokacin da Allah zai bashi ikon yin aure.

HUKUNCIN YIN JIMA'I DA AMARYA KO UWARGIDA TA DUBURA

Kamar yadda shari'a tayi hani akan aiwatar da jima'i ga uwargida ko amarya a lokacin da take haila, hakama jima'i ta dubura shari'a tayi hani mai tsanani akan aiwatar dashi.

MANZON ALLAH (S.A.W) yayi hani ga wadannan munanan aiyuka (jima'i a lokacin haila da jima'i ta dubura) a Hadisai da dama.

MANZON ALLAH  (S.A.W) yace: mutumin dake jima'i da matarsa ta dubura ALLAH Madaukakin Sarki ba zai dube shi da tausayi ba a ranar karshe.

Shehun malami Imam Ghazzali (R.A) ya rubuta a cikin littafinsa "IHYA" cewa yin jima'i da mace ta dubura yafi laifi mai tsanani akan yin jima'i da ita yayin da take haila. (A sani dukkansu laifukane masu tsanani)